सुपर सिक्सको पहिलो खेलमा नेपालले युएईलाई १४१ रनको लक्ष्य दियो

काठमाडौं । ओमानमा जारी आईसीसी टी–२० विश्वकप एसिया–इस्ट एसिया प्यासिफिक छनोटको सुपर सिक्स चरणको पहिलो खेलमा नेपालले युएईविरुद्ध १४१ रनको लक्ष्य प्रस्तुत गरेको छ ।

टस जितेर पहिले ब्याटिङ गरेको नेपाली टोलीले निर्धारित २० ओभरमा ६ विकेट गुमाउँदै १४० रनको योगफल तयार पार्‍यो ।

नेपालका ओपनर आसिफ शेखले उत्कृष्ट प्रदर्शन गर्दै ५१ रन योगदान दिए । उनले ४७ बल खेल्दै ४ वटा चौका र एक छक्का प्रहार गरेका थिए ।

खेलमा कुशल भुर्तेलले २८ रन, कप्तान रोहित पौडेलले २० रन, कुशल मल्लले १० रन, दीपेन्द्रसिंह ऐरीले १ रन र गुल्सन झा १४ रन जोडेर आउट भए ।
इन्निङ्सको अन्त्यतिर सन्दीप जोरा ४ रन र सोमपाल कामी ६ रनमा अविजित रहे ।

अब युएईले जित्नका लागि १४१ रनको लक्ष्य पछ्याउनेछ ।