फड्के तर्दै गर्दा खोलामा परी बालिकाको मृत्यु

ताप्लेजुङ । फुङलिङ नगरपालिका–१० फुरुम्बूमा फड्के तर्ने क्रममा खोलामा खस्दा एक दुई वर्षीय बालिकाको ज्यान गएको छ । सिस्ने खोलाको फड्के तर्ने क्रममा फुरुम्बूकी निशा लिम्बू खोलामा खस्दा मृत्यु भएको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक विवेक बस्नेतले जानकारी दिए ।

प्रहरीका अनुसार बालिकाकी आमा शान्ता लिम्बू सामान्य घाइते भएकी छन् । उनीहरू माइतीघर फक्ताङलुङ गाउँपालिका–२ तावा जाँदै गर्दा फुङलिङ र फक्ताङलुङको सीमामा पर्ने सिस्ने खोला तर्दै गर्दा खोलामा खसेका हुन् ।