कक्षा १२ पूरक परीक्षाको नतिजा सार्वजनिक, ७३.४१ प्रतिशत विद्यार्थी उत्तीर्ण

काठमाडौं । राष्ट्रिय परीक्षा बोर्ड (एनईबी)ले कक्षा १२ को पूरक परीक्षाको नतिजा सार्वजनिक गरेको छ । आज बसेको बोर्ड बैठकले नतिजा अनुमोदन गरी सार्वजनिक गरेको हो ।

बोर्डका अनुसार पूरक परीक्षामा सहभागी १ लाख ४ हजार २६ विद्यार्थीमध्ये ७६ हजार ३ सय ६७ जना उत्तीर्ण भएका छन् । यसरी कुल ७३.४१ प्रतिशत विद्यार्थी सफल भएका हुन् ।

गत असोज ७ र ८ गते परीक्षा सञ्चालन गरिएको थियो । चार जनाको परीक्षाफल भने रद्द गरिएको बोर्डले जनाएको छ ।

यसअघि गत असार ११ गते प्रकाशित नियमित नतिजामा ६१.१७ प्रतिशत विद्यार्थी मात्र ग्रेडेड भएका थिए ।

विद्यार्थीहरूले आफ्नो नतिजा नेपाल टेलिकमको १६०० नम्बरमा एसएमएस पठाएर हेर्न सक्नेछन् ।