जेनजी आन्दोलनः मृत्यु हुनेको संख्या ३४ पुग्यो

काठमाडौं । देशभर फैलिएको जेनजी आन्दोलनका क्रममा प्रहरीको दमनपछि मृत्यु हुनेको संख्या ३४ पुगेको छ । स्वास्थ्य तथा जनसंख्या मन्त्रालयले सार्वजनिक गरेको पछिल्लो विवरणअनुसार विभिन्न अस्पतालमा उपचाररत अवस्थामा प्रदर्शनकारीहरूले ज्यान गुमाएका हुन् ।

शान्तिपूर्णरूपमा सुरु भएको आन्दोलन सोमबार दिउँसोदेखि तनावपूर्ण बनेको थियो । प्रहरीको गोली प्रहारबाट एकैदिन १९ जनाको मृत्यु भएपछि मंगलबारको प्रदर्शन झनै आक्रोशित बनेको थियो ।

स्वास्थ्य मन्त्रालयद्वारा पुष्टि गरिएका मृतक विवरणः
* निजामती कर्मचारी (सिभिल) अस्पताल – ६ जना
* राष्ट्रिय ट्रमा सेन्टर – ८ जना
* एभरेष्ट अस्पताल – ३ जना,
* काठमाडौं मेडिकल कलेज – २ जना
* फ्रन्टलाइन अस्पताल – ३ जना
* वयोधा अस्पताल – २ जना
* बीपी कोइराला स्वास्थ्य विज्ञान प्रतिष्ठान, सुनसरी – २ जना
* बीएनसी र बिर्तासिटी अस्पताल, झापा – १र१ जना
* भेरी अस्पताल, बाँके – ५ जना

स्वास्थ्य मन्त्रालयले मृत्यु संख्या अझै बढ्न सक्ने भन्दै अस्पतालहरूलाई उच्च सतर्कता अपनाउन निर्देशन दिएको छ ।

यस घटनाले आन्दोलनको प्रकृति थप गम्भीर बनाएको छ भने मानवअधिकार संगठनहरू र नागरिक समाजले राज्य दमनको कडा आलोचना गरेका छन् । मानवअधिकार आयोगलगायतका संस्थाहरूले स्वतन्त्र छानबिनको माग गरिरहेका छन् ।