विश्वकप विजेता मेस्सीको सम्मानमा अर्जेन्टिनाले जारी गर्‍यो तस्बिरअंकित नोट

ब्युनस आयर्स । विश्वकप फुटबलमा ऐतिहासिक उपाधि जिताएर अर्जेन्टिनालाई तेस्रो पटक विश्वच्याम्पियन बनाउने लियोनेल मेस्सीको सम्मानमा अर्जेन्टिनाले उनको तस्बिरअंकित मुद्रा जारी गरेको छ ।

कतारमा सम्पन्न २०२२ को विश्वकपमा उत्कृष्ट प्रदर्शन गरेका मेस्सीको तस्बिरसहित एक हजार पेसो मूल्यको नोट सार्वजनिक गरिएको हो । सो नोटमा मेस्सीको तस्बिरसँगै उनको हस्ताक्षर पनि अंकित गरिएको छ ।

फ्रान्सविरुद्धको रोमाञ्चक फाइनल जित्दै अर्जेन्टिनाले विश्वकप ट्रफी उचालेपछि मेस्सी राष्ट्रिय नायक बनेका थिए । उनले फाइनलसहित प्रतियोगितामा सात गोल गर्दै ‘सर्वोत्कृष्ट खेलाडी’को उपाधि पनि जितेका थिए ।

सरकारले मेस्सीको योगदानलाई ऐतिहासिक गौरवको रूपमा लिँदै उनको नाममा नोट जारी गर्ने निर्णय गरेको बताइएको छ । यस कदमलाई फुटबलप्रेमीहरूले राष्ट्रिय गौरवको प्रतीकका रूपमा स्वागत गरेका छन् ।

विश्वकपको विजयी खुसीमा अर्जेन्टिनाको राजधानी ब्युनस आयर्स उत्सवमय बनेको थियो । करिब ५० लाख मानिस सडकमा निस्किएर राष्ट्रिय टोली र मेस्सीको जयजयकार गर्दै विजय उत्सव मनाएका थिए ।

फुटबल इतिहासकै महान खेलाडीमध्ये एक मानिने मेस्सीले यस उपाधिले आफ्नो करियरको सबैभन्दा ठूलो उपलब्धि हासिल गरेका छन् ।