मलेसियासँग चौथो खेल आजः सिरिज जोगाउन दबाबमा नेपाल

काठमाडौं । पाँच खेलको अन्तर्राष्ट्रिय टी–२० शृङ्खलाअन्तर्गत चौथो खेलमा आज नेपाली महिला राष्ट्रिय क्रिकेट टिम मलेसियासँग प्रतिस्पर्धामा उत्रँदैछ ।

सिरिजमा अहिले मलेसिया २–१ ले अग्रतामा रहेको छ । यस्तो अवस्थामा नेपालले श्रृंखला जीवित राख्न आजको खेल जित्नैपर्ने दबाबमा छ ।

पहिलो खेलमा नेपाल तीन रनले पराजित भयो । मलेसियाले दिएको १०५ रनको लक्ष्य पछ्याउने क्रममा नेपाल १०१ रनमा सीमित रह्यो ।

दोस्रो खेलमा नेपालले ९३ रनको लक्ष्य चार विकेट गुमाएर १६.२ ओभरमा पूरा गर्दै ६ विकेटको शानदार जित निकालेको थियो ।

तेस्रो खेलमा मलेसियाको १२१ रनको लक्ष्य पछ्याउँदै नेपाल १०७ रनमै समेटिँदा १३ रनले हार बेहोर्‍यो ।

मलेसिया आजको खेल जितेमा एक खेल बाँकी रहँदै सिरिज आफ्नो नाममा पार्नेछ । त्यसैले नेपाली टिमका लागि यो खेल ुगर या मरु जस्तै बनेको छ ।

सिरिजको अन्तिम तथा निर्णायक भिडन्त असोज बुधबार हुनेछ ।