देशभर बदलीको अवस्था, पहाडी क्षेत्रमा भारी वर्षाको सम्भावना

काठमाडौं । हाल मनसुनको न्यून चापीय रेखा सरदर स्थानभन्दा दक्षिणतिर अवस्थित रहेको मौसम पूर्वानुमान महाशाखाले जनाएको छ । यसका कारण कोशी र मधेस प्रदेश लगायत देशका पहाडी भूभागहरूमा सामान्य बदली देखिएको छ भने बाँकी भूभागमा आंशिक बदली रहेको छ ।

बिहानको अवस्था
कोशी र बागमती प्रदेशका केही स्थानहरूमा चट्याङसहित हल्कादेखि मध्यम वर्षा भइरहेको छ भने मधेस, गण्डकी, लुम्बिनी र कर्णाली प्रदेशका पहाडी भूभागमा एक–दुई स्थानमा वर्षा भइरहेको छ ।

दिउँसोको पूर्वानुमान
आज देशभर साधारण बदली रहनेछ । बागमती, गण्डकी र लुम्बिनी प्रदेश तथा देशका पहाडी भूभागका केही स्थानहरूमा मध्यम वर्षाको सम्भावना छ ।
तराई भूभागका एक–दुई स्थानमा वर्षा हुने छ भने मधेस र लुम्बिनी प्रदेशको तराई क्षेत्रमा हावाहुरी चल्ने सम्भावना छ ।

रातिको अवस्था
पहाडी भूभागमा साधारण बदली, बाँकी भूभागमा आंशिक बदली हुनेछ । कोशी, बागमती, गण्डकी प्रदेशका केही स्थानहरूमा तथा बाँकी प्रदेशका केही स्थानहरूमा मध्यम वर्षाको सम्भावना छ । लुम्बिनी प्रदेशको तराईका केही स्थानहरूमा हावाहुरी चल्न सक्ने अनुमान गरिएको छ ।

महाशाखाको आग्रह
कोशी, बागमती र गण्डकी प्रदेशका पहाडी क्षेत्रहरूमा भारी वर्षाको सम्भावना रहेकाले सावधानी अपनाउन मौसम पूर्वानुमान महाशाखाले अनुरोध गरेको छ ।