राजस्व संकलनमा कमजोरीः सशस्त्र प्रहरीका १६ अधिकारी जिम्मेवारीबाट हटाइए

काठमाडौं । सीमा भन्सारमा राजस्व संकलन र कार्यसम्पादन कमजोर देखिएपछि सशस्त्र प्रहरीले एसपी र डीएसपीसहित १६ जनालाई जिम्मेवारीबाट हटाएको छ ।

सशस्त्र प्रहरी बलका सहप्रवक्ता डीएसपी शैलेन्द्र थापाका अनुसार प्रधान कार्यालयले आइतबार १ एसपी, १ डीएसपी, ७ इन्सपेक्टर, ६ सई र १ असईलाई कमान्डको जिम्मेवारीबाट फिर्ता पठाएको हो ।

रौतहटस्थित सशस्त्र प्रहरी बल, नेपाल नं. ११ गणका कमान्डर एसपी सन्तोष कुमार बस्नेतलाई फिर्ता गरी रामहरी अधिकारीलाई जिम्मेवारी दिइएको छ ।

बारा जिल्लामा हटाइएकाहरू

• निरीक्षक जीवनलाल बुढा (बीओपी कबहीगोठ)
• नायब निरीक्षक केदारबहादुर परियार (बीओपी झिटकैया)
• नायब निरीक्षक हरिप्रसाद लम्साल (फरवार्ड बेस बलिरामपुर)
• नायब निरीक्षक गणेश गिरी (फरवार्ड बेस छतवा)
• सहायक निरीक्षक शिव शंकरप्रसाद चौधरी (झरखोर पोस्ट)

पर्सा जिल्लामा हटाइएकाहरू

• निरीक्षक सन्जीव बानिया क्षेत्री (बीओपी प्रसौनी भाठ्ठा)
• निरीक्षक नरेश सुवाल बाटा (बीओपी दक्षिण झिटकैया)
• नायब निरीक्षक भीमबहादुर क्षेत्री (सुरक्षा बेस बहुअर्वाभाठा)
• नायब निरीक्षक झक्कुप्रसाद ओली (फरवार्ड बेस जयमंगलापुर)

अन्य जिल्लामा हटाइएकाहरू

• निरीक्षक रुपक नापीत (भुजहवा, पश्चिम नवलपरासी)
• नायब उपरीक्षक नवीन चन्द (खोनपु, कैलाली)
• निरीक्षक रामशरण विष्ट (बीओपी कुसुमघाट, कैलाली)
• निरीक्षक खगेन्द्र बहादुर चन्द (बीओपी फूलबारी, कैलाली)
• नायब निरीक्षक मोहन राम मोहर (बीओपी लल्लिपुर, कैलाली)
• निरीक्षक सूर्य प्रकाश पन्त (बीओपी डोकेबजार, कञ्चनपुर)