ठगी आरोपमा बाल सुधार गृहका चौकीदार पक्राउ

पर्सा । बाल सुधार गृह, पर्सामा कार्यरत चौकीदार प्रमानन्द गुप्ता ठगी र आर्थिक दुरुपयोगको आरोपमा प्रहरीले पक्राउ गरेका छन् ।

जिल्ला प्रहरी कार्यालय, पर्साका अनुसार गुप्ताले सुधार गृहमा रहेका १० जना बाल कैदी (बाल विषयगत) बाट करिब १० लाख ३४ हजार ३ सय रुपैयाँ असुलेका थिए । ती बाल कैदीहरूबाट उनले नगद तथा ईसेवा जस्ता डिजिटल माध्यम प्रयोग गरी रकम उठाएका थिए ।

२४ वर्षीय गुप्ता सिराहा नगरपालिका–३ का बासिन्दा हुन् । प्रहरीका अनुसार उनले चौकीदारको भूमिकामा रहेर कैदीहरूमाथि दबाब सिर्जना गर्दै रकम असुल गरेका थिए । प्रारम्भिक अनुसन्धानमा उनी आफैंका लागि ती रकम प्रयोग गरेको खुलेको छ ।

गुप्ताले कैद अवधिको अन्त्य गरी असार ३२ गते सुधार गृहबाट बाहिरिने तयारी गरिरहेको जानकारी पाएपछि पीडित बाल कैदीहरूले प्रहरीमा उजुरी दिएका थिए । त्यसैको आधारमा प्रहरीले उनलाई नियन्त्रणमा लिई ‘एक्सर्टसन’ अर्थात् विश्वासघात र गैरकानुनी आर्थिक लाभसम्बन्धी कसुरमा बिहीबार तीन दिनको म्याद थप गरी अनुसन्धान थालेको हो ।

जिल्ला प्रहरी कार्यालय, पर्साले घटनासम्बन्धी थप अनुसन्धान भइरहेको जनाएको छ ।