महिला युरो कपः पेनाल्टीमा फ्रान्सलाई हराउँदै जर्मनी सेमिफाइनलमा

काठमाडौं । महिला युरो कप फुटबल प्रतियोगितामा जर्मनीले फ्रान्सलाई पेनाल्टी सुटआउटमा ६–५ ले पराजित गर्दै सेमिफाइनलको यात्रा तय गरेको छ ।

निर्धारित ९० मिनेटको खेल १–१ गोलको बराबरीमा सकिएपछि खेलको निर्णय पेनाल्टीबाट गरिएको थियो ।

खेलको १३औँ मिनेटमै जर्मनी १० खेलाडीमा सीमित भएको थियो । क्याथरिन हेन्डरिचले पेनाल्टी क्षेत्रभित्र जर्ज एम बक्सलाई तानेपछि उनी सीधा रातो कार्ड पाउँदै मैदानबाट बाहिरिइन् ।

पेनाल्टीमा फ्रान्सकी ग्रेस गायरोले गोल गर्दै टिमलाई अग्रता दिलाइन् । तर, २५औँ मिनेटमा जर्मनीका लागि जोयके नुस्केनले बराबरी गोल फर्काइन् ।

पेनाल्टी सुटआउटमा जर्मनीकी गोलरक्षक आन काटनिर बर्गर निर्णायक बनिन् । उनले फ्रान्सकी अमाल बाज्री र एलाई सोमबाथको प्रहार सफलतापूर्वक रोक्दै जर्मनीलाई ६–५ को जित दिलाइन् ।

फ्रान्सले कुल ७ प्रहार गरे पनि दुई प्रहार गोलरक्षकले बचाएपछि पराजित हुन पुग्यो । जर्मनीले आफ्नो ६ प्रयासमा गोल गर्दै सेमिफाइनलमा स्थान सुरक्षित गर्‍यो ।