देशका केही पश्चिमी भूभागमा बदली, पहाडी क्षेत्रमा हल्का वर्षाको सम्भावना

काठमाडौं । देशका पश्चिमी भूभागहरूमा पश्चिमी वायुको प्रभाव देखिएको छ भने बाँकी क्षेत्रहरूमा मनसुनी र स्थानीय वायुको कमजोर प्रभाव जारी रहेको मौसम पूर्वानुमान महाशाखाले जनाएको छ ।

हाल सुदूरपश्चिम, कर्णाली, लुम्बिनी र गण्डकी प्रदेशको पश्चिमी भागमा सामान्य बदली रहेको छ । यस्तै, बाँकी पहाडी भूभागमा आंशिक बदली र तराई क्षेत्रमा मौसम प्रायः सफा रहेको जानकारी दिइएको छ ।

गण्डकी प्रदेशका थोरै स्थानहरूमा तथा कर्णाली, लुम्बिनी र बागमती प्रदेशका पहाडी क्षेत्रका एक–दुई स्थानमा हाल हल्का वर्षा भइरहेको छ ।

आज दिउँसो कोशी प्रदेश र देशका अन्य पहाडी भूभागहरूमा आंशिक बदली रहनेछ । तराई र अन्य क्षेत्रहरूमा मौसम मुख्यतः सफा रहने अनुमान गरिएको छ । पहाडी क्षेत्रका एक–दुई स्थानमा भने हल्का वर्षा हुन सक्ने सम्भावना रहेको छ ।

आज राति कोशी, बागमती र गण्डकी प्रदेशका पहाडी भूभागमा आंशिक बदली रहनेछ । अन्य क्षेत्रहरूमा मौसम प्रायः सफा रहनेछ । यिनै पहाडी भागका एक–दुई स्थानमा हल्का वर्षा हुन सक्ने सम्भावना छ ।