सर्वोच्च अदालतमा आगजनीः सबै डकुमेन्ट नष्ट, मुद्दा सुनुवाइ अनिश्चितकालका लागि स्थगित

काठमाडौं । जेन जी पुस्ताको प्रदर्शनका क्रममा सर्वोच्च अदालतमा भएको आगजनीले सम्पूर्ण कानुनी कागजात, सर्भर र इजलास जलेर नष्ट भएपछि अदालतका सबै मुद्दाको सुनुवाइ अनिश्चितकालका लागि स्थगित गरिएको छ ।

सर्वोच्च अदालतका मुख्य रजिष्ट्रारका अनुसार आगलागीका कारण मुद्दासम्बन्धी मिसिल, डिजिटल सर्भर र न्यायाधीशहरूको इजलास पूर्णरूपमा क्षतिग्रस्त भएका छन् । त्यसैले बुधबारका लागि तोकिएका सबै मुद्दाहरूको पेसी स्थगित गरिएको र भोलिदेखिका पेसीमा रहेका मुद्दाहरूको सुनुवाइ अर्को सूचना नआएसम्मका लागि रोकिएको छ ।

अदालतको संरचना र अभिलेख प्रणालीमा गम्भीर क्षति पुगेकाले न्याय सम्पादन कार्य तत्काल सम्भव नभएको जनाइएको छ ।