दोस्रो दिनको प्रदर्शनः प्रमुख नेताहरूको निवासलाई लक्षित

काठमाडौं । दोस्रो दिनको आन्दोलनमा उत्रिएका प्रदर्शनकारीले प्रमुख दलका शीर्ष नेताहरूको निवासलाई लक्षित गरेका छन् ।

प्रशासनले बिहानैदेखि कर्फ्यू आदेश जारी गरे पनि प्रदर्शनकारीहरूले अवज्ञा गर्दै सडकमा उत्रिएका छन् । नेपाली कांग्रेसका सभापति शेरबहादुर देउवाको बुढानीलकण्ठस्थित निवास अगाडि, माओवादी केन्द्रका अध्यक्ष पुष्पकमल दाहाल ‘प्रचण्ड’को खुमलटारस्थित निवास अगाडि, र सञ्चारमन्त्री पृथ्वीसुब्बा गुरुङको सुनाकोठीस्थित निवास अगाडि प्रदर्शन भएको छ ।

प्रचण्डको निवास वरिपरि प्रदर्शनकारी र सुरक्षाकर्मीबीच मुंगामुढा भएको छ भने मन्त्री गुरुङको निवासमा आगजनीसम्म भएको छ ।