कांग्रेस संसद् समन्वय बोर्डको पहिलो बैठक आज

काठमाडौं । प्रमुख प्रतिपक्षी दल नेपाली कांग्रेसको संसद् समन्वय बोर्डको पहिलो बैठक आज बस्ने भएको छ । बैठक आज दिउँसो ३ः०० बजेका लागि तय गरिएको छ ।

कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालका अनुसार संसदीय दलको संशोधित विधान २०८३ को धारा २१ अनुसार गठन गरिएको उक्त बोर्डको यो पहिलो बैठक हो ।

बैठक ललितपुरस्थित बिपी स्मृति भवनमा आयोजना हुने बताइएको छ । कांग्रेसले बोर्डका सबै सदस्यलाई अनिवार्य उपस्थितिका लागि निर्देशनसमेत दिएको छ ।