नेपाली बजारमा सुन–चाँदीको भाउमा ठूलो गिरावट

काठमाडौं । नेपाली बजारमा मंगलबार सुनको मूल्य उल्लेखनीय रूपमा घटेको छ । अघिल्लो दिनको तुलनामा सुनको भाउ प्रतितोला सात हजार नौ सय रुपैयाँले घटेको हो ।

सोमबार प्रतितोला दुई लाख ७० हजार रुपैयाँमा कारोबार भएको सुन मंगलबार घटेर दुई लाख ६२ हजार एक सय रुपैयाँमा किनबेच भइरहेको छ । सोमबार पनि सुनको मूल्य प्रतितोला छ सय रुपैयाँले घटेको थियो ।

यस्तै, मंगलबार चाँदीको मूल्य पनि ओरालो लागेको छ । सोमबार प्रतितोला चार हजार आठ सय ९५ रुपैयाँमा कारोबार भएको चाँदी आज घटेर चार हजार पाँच सय ९० रुपैयाँमा पुगेको छ । चाँदीको मूल्य अघिल्लो दिनको तुलनामा प्रतितोला तीन सय पाँच रुपैयाँले घटेको हो ।

अन्तर्राष्ट्रिय बजारमा भने मंगलबार सुन प्रतिऔंस चार हजार तीन सय ७६ अमेरिकी डलरमा कारोबार भइरहेको छ ।