सागर डिष्टिलरीको आईपीओ वैदेशिक रोजगारीमा रहेका नेपालीका लागि खुला

काठमाडौं । सागर डिष्टिलरी लिमिटेडले बुधबारदेखि साधारण शेयर (आईपीओ) बिक्री प्रक्रिया सुरु गरेको छ । यो आईपीओ विशेष रूपमा वैदेशिक रोजगारीमा रहेका नेपालीहरूका लागि लक्षित गरिएको हो ।

कम्पनीले ७२ करोड ६० लाख रुपैयाँको जारी पूँजीमध्ये २० प्रतिशत अर्थात् १४ करोड ५२ लाख रुपैयाँ बराबरको १४ लाख ५२ हजार कित्ता शेयर जारी गर्न लागेको हो ।

यसको १० प्रतिशत अर्थात् १ करोड ४५ लाख २० हजार रुपैयाँबराबरको १ लाख ४५ हजार २०० कित्ता शेयर प्रतिशेयर १०० रुपैयाँ अंकित मूल्यमा वैदेशिक रोजगारीमा रहेका नेपालीका लागि छुट्याइएको छ ।

आवेदन भदौ १ गतेसम्म दिन सकिनेछ । न्यूनतम १० कित्तादेखि अधिकतम ७ हजार कित्तासम्म आवेदन दिन सकिने व्यवस्था गरिएको छ ।