जीवित व्यक्तिलाई मृत देखाएर अनुदान हडप्न खोज्दा…

दार्चुला । कृषि अनुदान रकम हिनामिना गर्न जीवित व्यक्तिलाई मृत घोषित गरी नक्कली कागजात पेस गरेको अभियोगमा दार्चुलामा दुई जना पक्राउ परेका छन् ।

पक्राउ पर्नेमा शैल्यशिखर नगरपालिकाको कृषि शाखा प्रमुख दीपकराज विष्ट र भेटेरिनरी प्राविधिक जनकसिंह धामी रहेका छन् । जनकसिंह मालिकार्जुन कृषक समूहका अध्यक्ष हुन् भने उनी शैल्यशिखर नगरपालिकाका मेयर विजयसिंह धामीका छोरा पनि हुन् ।

दार्चुलाका प्रहरी प्रमुख डिएसपी प्रकाश दाहालका अनुसार बुधबार उनीहरूलाई नियन्त्रणमा लिइएको हो । दाहालका अनुसार लिखतसम्बन्धी कसुर, किर्ते र आपराधिक विश्वासघातसम्बन्धी किटानी जाहेरीको आधारमा उनीहरूलाई सात दिनको म्याद थप गरी अनुसन्धान अघि बढाइएको छ ।

अनुसार, ‘ओखर पकेट क्षेत्र’ कार्यक्रम अन्तर्गत दुई लाख २० हजार रुपैयाँको अनुदान लिन सचिव मञ्जु धामी र कोषाध्यक्ष जानकी धामीको मृत्यु भएको भनी झूटो विवरण तयार पारिएको थियो । आरोपितहरूले ग्लोबल आइएमई बैंक गोकुलेश्वर शाखामा हस्ताक्षर परिवर्तन गरिदिन माग गर्दै सो नक्कली पत्र पेस गरेका थिए ।