प्रधानमन्त्री कार्कीद्वारा अपरान्ह सर्वदलीय बैठक आह्वान

काठमाडौं । प्रधानमन्त्री सुशीला कार्कीले सरकारका हालसम्मका काम, निर्णय र तयारीबारे राजनीतिक दलहरूलाई जानकारी गराउन आज सर्वदलीय बैठक आह्वान गरेकी छन् ।

प्रधानमन्त्री तथा मन्त्रिपरिषद्को कार्यालयका अनुसार बैठक आज दिउँसो ४ बजे सिंहदरबारमा बस्नेछ । बैठकमा निर्वाचन आयोगमा दर्ता भएका सम्पूर्ण दललाई सहभागी हुन निमन्त्रणा गरिएको छ ।

सरकारले अहिलेसम्म गरेका गतिविधि, नीति–कार्ययोजना र विभिन्न क्षेत्रमा गरिएको प्रगतिबारे विस्तृत जानकारी दिने उद्देश्य बैठकको रहेको प्रधानमन्त्रीको सचिवालयले जनाएको छ ।