आजको मौसमः पहाडी भूभागमा भारी वर्षाको सम्भावना

काठमाडौं । हाल देशमा मनसुनको न्यून चापीय रेखा पश्चिम क्षेत्रमा सरदरभन्दा दक्षिणतिर तथा पूर्व क्षेत्रमा सरदर स्थानको आसपास अवस्थित रहेको मौसम पूर्वानुमान महाशाखाले जानकारी दिएको छ ।

यसको प्रभावस्वरूप सुदूरपश्चिम प्रदेशलगायत देशको पहाडी भूभागमा सामान्य बदली, तथा बाँकी भूभागमा आंशिक बदली रहेको छ । बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरूमा हल्कादेखि मध्यम वर्षा भइरहेको छ ।

दिउँसोको मौसम
कोशी, मधेस र देशको पहाडी भूभागमा सामान्य बदली, बाँकी क्षेत्रमा आंशिक बदली रहनेछ । कोशी, बागमती र गण्डकी प्रदेशका पहाडी भूभागमा केही स्थानहरूमा तथा मधेस, तराई र अन्य पहाडी भूभागका थोरै स्थानहरूमा मध्यम वर्षाको सम्भावना रहेको छ ।

कोशी, बागमती र गण्डकीका पहाडी क्षेत्रका एक–दुई स्थानमा भारी वर्षा पनि हुन सक्ने महाशाखाले जनाएको छ ।

रातिको मौसम
देशभर सामान्य बदली रहनेछ । कोशी, बागमती र गण्डकी प्रदेशका पहाडी भूभागमा केही स्थानहरूमा, अन्य पहाडी तथा तराई भूभागमा थोरै स्थानहरूमा मध्यम वर्षाको सम्भावना छ । पहाडी क्षेत्रका एक–दुई स्थानमा भारी वर्षा पनि हुन सक्ने देखिएको छ।

कोशी, बागमती र गण्डकी प्रदेशका पहाडी भूभागमा भारी वर्षाको सम्भावना रहेकाले भूस्खलन, बाढी तथा अन्य सम्भावित प्राकृतिक प्रकोपप्रति सचेत रहन मौसम पूर्वानुमान महाशाखाले आवश्यक सतर्कता अपनाउन आग्रह गरेको छ ।