काठमाडौंमा डुबान न्यूनीकरणका लागि नाली–ढल सफाइ गर्न महानगरको निर्देशन

काठमाडौं । काठमाडौं महानगरपालिकाले डुबान जोखिम कम गर्न सबै वडा कार्यालयलाई ढल, नाली, मङ्गल, क्याचपिट र ह्युमपाइप नियमित सफा गर्न निर्देशन दिएको छ ।

महानगरको विपद् व्यवस्थापन विभागले बुधबार सार्वजनिक गरेको विज्ञप्तिमा डुबान रोकथामका लागि संरचनाको सरसफाइ अनिवार्य गरिएको उल्लेख छ ।

विभागका प्रमुख जगदीश अर्यालका अनुसार विगतका वर्षदेखि नै यस्ता संरचनाहरूको सरसफाइ हुँदै आएको हो र चालू आर्थिक वर्षमा पनि त्यसलाई निरन्तरता दिइएको छ ।

वडा कार्यालयहरूलाई जोखिमयुक्त स्थानलाई प्राथमिकताका साथ सफा गर्न र सम्पन्न कार्यको स्पष्ट विवरण महानगरमा बुझाउन पनि निर्देशन दिइएको छ ।