प्रधानमन्त्री ओलीविरुद्ध विश्वासको मत माग्दै सर्वोच्चमा रिट

काठमाडौं । प्रधानमन्त्री केपी शर्मा ओलीले प्रतिनिधिसभाबाट विश्वासको मत लिनुपर्ने माग गर्दै सर्वोच्च अदालतमा रिट निवेदन दर्ता भएको छ ।

अधिवक्ता बिरेन्द्र केसीले बिहीबार सर्वोच्च अदालतमा दर्ता गराएको रिटमार्फत प्रधानमन्त्री ओलीलाई संसद्‌मा विश्वासको मत लिन आदेश दिनुपर्ने माग गरिएको छ ।

जनता समाजवादी पार्टी, नेपाल (जसपा) ले ३२ असार, २०८२ मा सरकारलाई दिएको समर्थन औपचारिकरूपमा फिर्ता लिएको घोषणा गरेको थियो । समर्थन फिर्तापछि पनि प्रधानमन्त्रीले विश्वासको मत नलिएको र संविधानको धारा १०० अनुसार अनिवार्य प्रक्रिया पूरा नभएको दाबी निवेदनमा गरिएको छ ।

रिट निवेदनमा प्रधानमन्त्री ओली, प्रधानमन्त्री तथा मन्त्रिपरिषद् कार्यालय, सभामुख देवराज घिमिरे, संघीय संसद् सचिवालय र राष्ट्रपति कार्यालय शीतल निवासलाई विपक्षी बनाइएको छ ।

अधिवक्ता केसीले समर्थन गुमाइसकेको अवस्थामा पनि प्रधानमन्त्री पदमा निरन्तरता दिनु संवैधानिक व्यवस्थाको उल्लंघन भएको बताएका छन् । उनले भने, ूप्रधानमन्त्रीले अबिलम्ब संसद्बाट विश्वासको मत लिनुपर्नेमा ढिलाइ गर्नु संविधानको मूल मर्म विपरीत छ ।ू

अब सर्वोच्च अदालतले यस विषयमा कस्तो फैसला गर्छ भन्नेमा सबैको ध्यान केन्द्रित भएको छ ।