बझाङमा ४.२ म्याग्निच्युडको भूकम्प

बझाङ । जिल्लाको कोट्देवल क्षेत्रलाई केन्द्रविन्दु बनाएर बुधबार बिहान ४ः४० बजे ४.२ म्याग्निच्युडको भूकम्प गएको छ ।

राष्ट्रिय भूकम्प मापन तथा अनुसन्धान केन्द्रका अनुसार भूकम्पको धक्का बझाङका विभिन्न स्थानसँगै बैतडीका केही क्षेत्रमा पनि महसुस गरिएको थियो ।

भूकम्पपछि स्थानीयवासी केहीबेर त्रसित बनेका भए पनि हालसम्म कुनै मानवीय वा भौतिक क्षतिको जानकारी प्राप्त भएको छैन । सम्बन्धित निकायले अवस्था निगरानी गरिरहेको जनाएको छ ।