‘वान विग ब्युटिफुल’ विधेयकमा अमेरिकी संसदमा बहस, ट्रम्पको दबाब रणनीति सक्रिय

वाशिङटन । अमेरिकी तल्लो सदनमा राष्ट्रपति डोनाल्ड ट्रम्पले अघि सारेको ‘वान विग ब्युटिफुल’ नामक विधेयकमाथि हाल तीव्र बहस जारी छ ।

रिपब्लिकन पार्टीले तल्लो सदनमा बहुमत कायम राखेको भए पनि पार्टीभित्रैका केही सांसदहरूले विधेयकप्रति असहमति जनाउँदै आएका छन् । त्यसैले राष्ट्रपति ट्रम्प आफ्नै दलभित्र सहमति निर्माणको प्रयासमा लागिपरेका छन् ।

विधेयक पारित गराउनका लागि तोकिएको म्याद जुलाई ४ रहेको छ । सम्भवतः बुधबार रातिसम्म मतदान प्रक्रिया शुरू हुने अनुमान गरिएको छ ।

यस विधेयकलाई लिएर रिपब्लिकन सांसद अलेक्जान्द्रिया ओकासियो–कोर्टेजसहित केही नेताहरूले कडा आलोचना गरेका छन् । उनीहरूले विधेयकले सर्वसाधारणलाई दिइने राहत घटाउने र धनी वर्गलाई कर छुट दिने योजना अघि सारेको आरोप लगाएका छन् ।

यसअघि सिनेटमा यसै विधेयकमा बराबरी मत आएपछि उपराष्ट्रपति जे.डी. भान्सले निर्णायक मत खसाल्दै विधेयकलाई पारित गराएका थिए ।