नेप्से ११ अंकले ओरालो, ४ अर्ब ४० करोडको कारोबार

काठमाडौं । आइतबार नेपाल स्टक एक्सचेञ्ज (नेप्से) ११.३२ अंकले घटेर २७०८.४५ विन्दुमा पुगेको छ । यो ०.४१ प्रतिशतको गिरावट हो ।

दिनभरमा ३३४ कम्पनीका १ करोड ११ लाख २४ हजार ८४५ कित्ता शेयर किनबेच हुँदा कारोबार मूल्य ४ अर्ब ४० करोड २७ लाख ६७ हजार रुपैयाँ पुगेको छ ।

बजार बन्द हुने बेलासम्म ७९ कम्पनीको शेयर मूल्य बढेको थियो भने १७३ कम्पनीको शेयर घटेको थियो । कुनै पनि कम्पनीको शेयर मूल्य स्थिर रहेन । यस अवधिमा कुल ५८ हजार ८७ पटक कारोबार भएको थियो ।