सात जिल्लाका सिडिओ फेरिए, गृह मन्त्रालयले गर्यो ५८ सहसचिव–उपसचिव सरुवा

काठमाडौं । गृह मन्त्रालयले ५८ जना सहसचिव र उपसचिवको व्यापक सरुवा गरेको छ । सोसँगै सात जिल्लाका प्रमुख जिल्ला अधिकारी (सिडिओ) हरूलाई समेत फेर्ने निर्णय गरिएको मन्त्रालयले जनाएको छ ।

सरुवाअनुसार दैलेखका सिडिओ बद्रीनाथ गैरेलाई गुल्मी पठाइएको छ भने गुल्मीका सिडिओ आनन्द सारु दैलेख सरुवा भएका छन् । त्यस्तै, रोल्पाका सिडिओ वासुदेव दाहाललाई पाँचथरमा, जुम्लाका सिडिओ खिमबहादुर रायमाझीलाई गृह मन्त्रालयमा ल्याइएको छ ।

नयाँ जिम्मेवारी पाउने सिडिओहरूमा रोल्पामा गंगाबहादुर क्षेत्री, जुम्लामा दीपक पौडेल, डोटीमा कल्पना घिमिरे नेपाल र मुस्ताङमा मोहनराज जोशी रहेका छन् ।

मन्त्रालयले सरुवासम्बन्धी निर्णय बुधबार साँझ सार्वजनिक गरेको हो ।