सुशीला कार्कीको नियुक्तिविरुद्ध माओवादी केन्द्रको भर्त्सना

काठमाडौं । राष्ट्रपति रामचन्द्र पौडेलले सुशीला कार्कीलाई अन्तरिम सरकारको प्रमुख नियुक्त गरेपछि नेकपा माओवादी केन्द्रले त्यसको कडा विरोध गरेको छ ।

शुक्रबार पार्टीको पदाधिकारीस्तरीय भर्चुअल बैठक बसेको थियो, जहाँ सो निर्णयको भर्त्सना गर्दै संविधान र लोकतान्त्रिक मूल्यको उल्लंघन भएको टिप्पणी गरिएको छ ।

माओवादी केन्द्रका सचिव देवेन्द्र पौडेलले बैठकपछि भने, “जनताको सर्वोच्च संस्था प्रतिनिधिसभा विघटन गरेर संविधान, विधिको शासन र लोकतान्त्रिक मूल्य र मान्यता विपरीत सरकार प्रमुख नियुक्त गरिएकोमा हाम्रो पार्टी घोर भर्त्सना गर्छ ।”