काठमाडौं उपत्यका प्रहरी प्रमुखमा दानबहादुर कार्की नियुक्त

काठमाडौं । काठमाडौँ उपत्यका प्रहरी कार्यालयमा नयाँ प्रमुख नियुक्त गरिएको छ । प्रहरी प्रधान कार्यालयका अनुसार अब उपत्यकाको नेतृत्व एआईजी दानबहादुर कार्कीले गर्ने भएका छन् ।

यसअघि निमित्त प्रमुखका रूपमा जिम्मेवारी सम्हालिरहेका डीआईजी ओम रानाको स्थानमा कार्कीलाई जिम्मेवारी दिइएको हो । कार्की यसअघि मानवस्रोत विकास विभागको प्रमुख थिए ।

एआईजी टेक तामाङ अवकाशमा गएपछि उपत्यका प्रहरी कार्यालय केही समयदेखि निमित्तको भरमा थियो । एआईजी दरबन्दी तोकिएको कार्यालयमा डीआईजी राना कार्यरत थिए ।

हिजो जेनजीले गरेको प्रदर्शनका क्रममा काठमाडौंमा १७ र सुनसरीमा २ युवाको मृत्यु भएपछि सरकार र प्रहरीमाथि चर्को आलोचना भएको छ ।