‘काठमाडौं भ्यू टावर’का ठेकेदार मनोज भेटवाल फेरी पक्राउ

काठमाडौं । बहुचर्चित ‘काठमाडौं भ्यू टावर’ निर्माणका ठेकेदार तथा व्यवसायी मनोज भेटवाल पक्राउ फेरी परेका छन् । उनलाई शुक्रबार दिउँसो काठमाडौँको अनामनगरबाट प्रहरीले नियन्त्रणमा लिएको हो ।

भेटवाल इनोभेटिभ कन्सेप्ट प्रालिका सञ्चालक हुन्, जसले पुरानो बसपार्कमा निर्माणाधीन ‘काठमाडौं भ्यू टावर’को जिम्मा लिएका थिए । काठमाडौं जिल्ला प्रहरी परिसरका अनुसार, उनको नाममा १० करोड रुपैयाँ बराबरको बैंकिङ कसुरसम्बन्धी जाहेरी दर्ता भएपछि अनुसन्धानका लागि उनलाई पक्राउ गरिएको हो ।

यसअघि पनि भेटवाल पटक–पटक आर्थिक अपचलन र बैंकिङ कसुरका अभियोगमा पक्राउ परिसकेका छन् । उनीमाथि चेक बाउन्स तथा रोयल मर्चेन्ट बैंकिङ एन्ड फाइनान्स लिमिटेडमा संलग्न रहेको भनिएको वित्तीय घोटालामा संलग्नताको आरोप लाग्दै आएको छ । पछिल्ला पाँच वर्षमा उनी चार पटक पक्राउ परिसकेका छन् ।