कांग्रेस अनुशासन समितिको बैठक बिहीबार, उजुरी र अनुशासनका विषयमा छलफल हुने

काठमाडौं । नेपाली कांग्रेसको केन्द्रीय अनुशासन समितिको बैठक बिहीबार बस्ने भएको छ । पार्टीको आन्तरिक अनुशासन व्यवस्थापन तथा विभिन्न विषयमा छलफल गर्न बैठक बोलाइएको हो ।

समितिका सचिव दिनेश थापामगरद्वारा जारी सूचनाअनुसार बैठक ललितपुरस्थित पार्टी केन्द्रीय कार्यालय सानेपामा आयोजना हुनेछ । बैठकमा सहभागी हुन समितिका सबै सदस्यलाई उपस्थितिका लागि अनुरोध गरिएको छ ।

बैठकमा पार्टीभित्र प्राप्त भएका उजुरीहरूको अध्ययन, अनुशासनसम्बन्धी विषयहरूको समीक्षा तथा आगामी कार्ययोजनाबारे विस्तृत छलफल गरिने जनाइएको छ ।