वीरगन्जबाट दुर्गा प्रसाईं पक्राउ, भोलिको कार्यक्रम अनिश्चित

काठमाडौं । व्यवसायी तथा अभियन्ता दुर्गा प्रसाईं लाई प्रहरीले पर्साको वीरगन्जबाट पक्राउ गरेको छ । जिल्ला प्रहरी कार्यालयले जरुरी पक्राउ पुर्जीका आधारमा उनलाई नियन्त्रणमा लिएको जनाएको छ ।

‘राष्ट्र, राष्ट्रियता, धर्म, संस्कृति तथा नागरिक बचाऊ महाअभियान नेपाल’ का संयोजक रहेका प्रसाईं आफ्नो अभियानअन्तर्गत आयोजना गरिएको कार्यक्रमका लागि वीरगन्ज पुगेका थिए । उक्त कार्यक्रम भोलिका लागि तय गरिएको थियो ।

प्रसाईंले यसअघि पनि पर्सामा विभिन्न कार्यक्रम सञ्चालन गर्ने प्रयास गरेका थिए । तर सुरक्षा संवेदनशीलता देखाउँदै प्रशासनले पटक–पटक कार्यक्रम रोक्दै आएको छ ।

यसपटक पनि उनलाई कार्यक्रमको अनुमति नदिइएको बताइएको छ ।