मनसुनी प्रभाव कमजोर, पहाडी क्षेत्रमा मध्यम वर्षाको सम्भावना

काठमाडौं । हाल देशभर मनसुनी वायुको प्रभाव केही कमजोर देखिएको छ भने स्थानीय वायुको आंशिक प्रभाव सक्रिय रहेको मौसम पूर्वानुमान महाशाखाले जनाएको छ ।

आज दिउँसोको मौसम पूर्वानुमानअनुसार कोशी, बागमती र गण्डकी प्रदेशका पहाडी भूभागहरूमा सामान्य बदली रहनेछ भने बाँकी भूभागहरूमा आंशिक बदलीको अवस्था रहनेछ । यिनै पहाडी क्षेत्रका केही स्थानहरूमा र अन्य पहाडी क्षेत्रका थोरै स्थानहरूमा साथै तराईका एक(दुई स्थानमा पनि मध्यम वर्षा हुने सम्भावना छ ।

आज राति कोशी, बागमती र गण्डकी प्रदेशका पहाडी भागहरूमा सामान्य बदली रहनेछ भने अन्य स्थानहरूमा आंशिक बदलीको सम्भावना रहेको छ । यी पहाडी क्षेत्रमा थोरै स्थानहरूमा र बाँकी देशका केही एक(दुई स्थानमा मध्यम वर्षा हुनसक्ने पूर्वानुमान गरिएको छ ।

सावधानी अपनाउन महाशाखाले सुझाव दिएका छ । विशेष गरी पहाडी क्षेत्रमा वर्षाको असरले गर्दा स(साना बाढीपहिरोको सम्भावना पनि रहने हुँदा सतर्क रहन अनुरोध गरिएको छ ।