देशभर सामान्य मौसम, केही क्षेत्रमा आंशिक बदली

काठमाडौं । देशभर हाल कुनै उल्लेखनीय मौसम प्रणाली सक्रिय नभएको मौसम पूर्वानुमान महाशाखाले जनाएको छ ।

कोशी, बागमती र गण्डकी प्रदेशका पहाडी तथा हिमाली क्षेत्रमा आंशिक बदली देखिए पनि देशका अन्य भूभागमा मौसम सामान्यतया सफा रहेको छ ।

दिउँसो पनि यी तीन प्रदेशका पहाडी भागमा आंशिक बदली रहने अनुमान गरिएको छ, जबकि बाँकी क्षेत्रमा आकाश खुला रहने महाशाखाले जनाएको छ ।

राति भने कोशी र गण्डकी प्रदेशका पहाडी भूभागमा आंशिक बदली रहने र देशका अन्य स्थानहरूमा मौसम सफै रहने पूर्वानुमान गरिएको छ ।