अन्तरिम सरकारले ल्यायो पहिलो अध्यादेश, निर्वाचन प्रक्रियामा बाटो खुला

काठमाडौं । सुशीला कार्की नेतृत्वको अन्तरिम सरकारको सिफारिसमा राष्ट्रपति रामचन्द्र पौडेलले पहिलो अध्यादेश जारी गरेका छन् ।

राष्ट्रपतिले मतदाता नामावली ऐन, २०७३ संशोधन गर्न बनेको अध्यादेश संविधानको धारा ११४ को उपधारा १ बमोजिम बुधबार जारी गरेको राष्ट्रपति कार्यालयले विज्ञप्ति मार्फत जनाएको छ ।

यससँगै निर्वाचन आयोगलाई फागुन २१ गते तोकिएको निर्वाचन प्रक्रियामा अघि बढ्ने बाटो खुलेको छ । अहिले संसद् नभएकाले अन्तरिम सरकारले अध्यादेशमार्फतै आवश्यक कानुनी प्रक्रिया अघि बढाउने बाध्यता रहेको र सोहीअनुसार पहिलो अध्यादेश ल्याइएको हो ।