प्रदर्शनमा घाइते भएका दुई युवाको मृत्यु

काठमाडौं । कालिमाटीमा भएको प्रदर्शनमा घाइते भएका थप दुई जनाको मृत्यु भएको छ । बल्खुस्थित बयोधा अस्पतालमा उपचाररत २८ वर्षीय अर्जुन भट्ट र २३ वर्षीय देव कुमार सुवेदीको ज्यान गएको अस्पतालले पुष्टि गरेको छ ।

मंगलबार दुवै जनालाई पेटमा गोली लागेको थियो, जसका कारण उनीहरूको अवस्था गम्भीर रहेको बताइएको थियो ।

उक्त प्रदर्शनमा घाइते भई बयोधा अस्पताल ल्याइएका अन्य ९ जनाको हाल उपचार भइरहेको अस्पताल स्रोतले जनाएको छ ।