सेनाको आग्रहः लुटिएका हतियार तुरुन्त बुझाउनू, अटेरी गरे कानुनी कारबाही

काठमाडौं । जेनजी समूहको आन्दोलनका क्रममा लुटिएका वा हराएका हातहतियार, गोलीगट्ठा तथा अन्य सुरक्षा सामग्री तुरुन्तै नजिकको सुरक्षा निकाय वा सुरक्षाकर्मीलाई बुझाउन नेपाली सेनाले आग्रह गरेको छ ।

बुधबार सार्वजनिक गरेको सूचनामार्फत सेनाले ती सामग्रीको दुरुपयोगबाट जनधनको क्षति हुन सक्ने भन्दै सम्बन्धित व्यक्तिहरूलाई समयमै जानकारी दिन र बुझाउन प्रेरित गर्न अनुरोध गरेको हो ।

सूचनामा भनिएको छ, ूत्यस्ता हातहतियारहरूको दुरुपयोग भई जनधनको क्षति हुनसक्ने भएकोले त्यस सम्बन्धी सूचना प्राप्त गर्नुहुने व्यक्तिहरुले सुरक्षा निकायलाई जानकारी गराउन र सम्बन्धितलाई हतियार बुझाउन प्रेरित गर्नुहुन अनुरोध गरिन्छ ।ू

साथै, सेनाले सुरक्षाकर्मीको पोशाक तथा पहिचानँग सम्बन्धित सामग्रीको अनाधिकृत प्रयोग नगर्न पनि सबैलाई सचेत गराएको छ । यस्ता सामग्री नबुझाउने वा दुरुपयोग गर्ने व्यक्तिहरूमाथि कानून बमोजिम कडा कारबाही हुने चेतावनीसमेत दिइएको छ ।