प्रधानमन्त्री ओली आगामी सेप्टेम्बर १६ मा भारत यात्रा गर्दै

काठमाडौं । प्रधानमन्त्री केपी शर्मा ओली भारतको दुईदिने आधिकारिक भ्रमणमा जाँदै छन् । परराष्ट्र मन्त्रालय स्रोतका अनुसार भारतीय प्रधानमन्त्री नरेन्द्र मोदीले उनलाई सेप्टेम्बर १६ र १७ का लागि भ्रमणको निमन्त्रणा पठाएका हुन् ।

प्रधानमन्त्री ओलीले मोदीको औपचारिक निम्तो स्वीकृत गरेका छन् र उक्त मितिमा नयाँ दिल्ली पुग्ने तयारीमा छन् । भारत–नेपाल सम्बन्ध सुदृढ गर्न भन्दै आयोजना गरिएको यस भ्रमणमा दुवै देशबीच विभिन्न मुद्दामा उच्चस्तरीय छलफल हुने अपेक्षा गरिएको छ ।