मन्त्रिपरिषद बैठकका २५ निर्णय सार्वजनिक, आठ वटा विदेश भ्रमण स्वीकृति

काठमाडौं । सरकारले भदौ २ गते बसेको मन्त्रिपरिषद् बैठकका निर्णय सार्वजनिक गरेको छ ।

बैठक निर्णयबारे सरकारका प्रवक्ता एवं सञ्चार तथा सूचना प्रविधिमन्त्री पृथ्वी सुब्बा गुरुङले बुधबार जानकारी दिएका हुन् ।

कुल २५ निर्णयमध्ये आठ वटा विदेश भ्रमण स्वीकृतिसम्बन्धी रहेका छन् । परराष्ट्रमन्त्री डा. आरजु राणा देउवा र कानुनमन्त्री अजय चौरसियासहितको टोलीलाई विदेश भ्रमण स्वीकृति दिएको सरकारको निर्णय छ ।