बालुवाटार वार्ता सकियो, मन्त्री हेरफेरको विषय उठेन

काठमाडौं । मन्त्रिपरिषद् पुनर्गठनको चर्चा चले पनि बालुवाटारमा बिहीबार बसेको प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीचको बैठकमा सो विषयमा कुनै छलफल नभएको बताइएको छ ।

बैठकमा कांग्रेसका उपसभापति पूर्णबहादुर खड्का समेत सहभागी थिए । खड्काका अनुसार संघीय सरकारका मन्त्री हेरफेरबारे छलफल भएको छैन ।

“संघीय सरकारका मन्त्री हेरफेरबारे विषय प्रवेश नै भएन,” खड्काले संक्षिप्त प्रतिक्रिया दिएका छन् ।

उनका अनुसार बैठकमा सरकारका काम कारबाहीलाई प्रभावकारी बनाउने, संसदमा अड्किएका विधेयक टुंग्याउने र बागमती प्रदेश सरकारको विषयमा छलफल केन्द्रित भयो ।