प्रतिनिधिसभा बैठकः आज दुई विधेयकमा छलफल हुँदै

काठमाडौं । सङ्घीय संसद्अन्तर्गत प्रतिनिधिसभाको बैठक आज दिउँसो १ः०० बजे बस्दैछ । सिंहदरबारस्थित सङ्घीय संसद् भवनमा बस्ने बैठकमा विभिन्न विधेयकमाथि छलफल हुने कार्यसूची रहेको छ ।

बैठकमा अर्थमन्त्री डा. स्वर्णिम वाग्लेले ‘कर्मचारी सञ्चय कोष (दशौँ संशोधन) विधेयक, २०८३ माथि विचार गरियोस्’ भन्ने प्रस्ताव प्रस्तुत गर्ने कार्यक्रम छ ।

त्यसैगरी, कानुन, न्याय तथा संसदीय मामिलामन्त्री सोविता गौतमले ‘नेपाल कानुन आयोग (पहिलो संशोधन) विधेयक, २०८३ माथि विचार गरियोस्’ भन्ने प्रस्ताव सभामा पेस गर्नेछिन् ।

प्रतिनिधिसभाको बैठकसँगै आज सङ्घीय संसद्का विभिन्न छवटा समितिको बैठक पनि बस्ने भएको छ । ती समितिका बैठकमा सम्बन्धित विषयमाथि छलफल हुनुका साथै आवश्यक निर्णयसमेत गरिने जनाइएको छ ।