एकैदिन १९ सयले बढ्यो सुन, चाँदी पनि महँगियो

काठमाडौं । नेपाली बजारमा मंगलबार सुनको मूल्यमा उल्लेख्य वृद्धि भएको छ । नेपाल सुनचाँदी व्यवसायी महासंघका अनुसार छापावाल सुनको मूल्य सोमबारको तुलनामा प्रतितोला १ हजार ९ सय रुपैयाँले बढेको हो ।

आज छापावाल सुन तोलाको १ लाख ९८ हजार ५ सय रुपैयाँमा कारोबार भइरहेको छ । सोमबार यो दर १ लाख ९६ हजार ६ सय रुपैयाँ थियो ।

सुनसँगै चाँदीको मूल्य पनि उकालो लागेको छ । अघिल्लो दिन प्रतितोला २ हजार २५५ रुपैयाँमा कारोबार भएको चाँदी मंगलबार २५ रुपैयाँ बढेर २ हजार २८० रुपैयाँमा पुगेको छ ।

अन्तर्राष्ट्रिय बजारमा मूल्य बढेसँगै नेपाली बजारमा पनि सुनचाँदी महँगिएको व्यवसायीहरू बताउँछन् । आगामी दिनमा पनि मूल्यमा चञ्चलता देखिने अनुमान गरिएको छ ।