श्रीमतीको हत्यापछि फरार अभियुक्त तीन वर्षपछि पक्राउ

रौतहट । तीन वर्षअघि श्रीमतीको हत्या गरेर फरार रहेका फैयाद मिया मन्सुरीलाई प्रहरीले पक्राउ गरेको छ । रौतहटको ईशनाथ नगरपालिका–४ मठिया टोलमा २०७८ माघ २६ गते गहुँको खेतमा चाँदनी खातुनको हत्या भएको घटनामा संलग्न रहेकामा उनलाई प्रहरीले पक्राउ गरेको हो ।

जिल्ला प्रहरी कार्यालय रौतहटद्वारा जारी विज्ञप्तिमा उल्लेख भएअनुसार मृतक खातुनको शव घाँटीमा सल बेरेको र मुखमा सल कोचिएको अवस्थामा फेला परेको थियो । घटनापछि फरार रहेका उनका श्रीमान् मन्सुरीलाई प्रहरीले तीन वर्षपछि असार १३ गते नियन्त्रणमा लिएको जनाएको छ ।

पक्राउपछि जिल्ला अदालत रौतहटबाट म्याद लिएर थप अनुसन्धान अघि बढाइएको प्रहरीको भनाइ छ । घटनाबारे विस्तृत अनुसन्धान जारी रहेको पनि प्रहरीले जानकारी दिएको छ ।