बालेन शाह प्रधानमन्त्री बने, नयाँ मन्त्रिपरिषद् गठन

काठमाडौं । बालेन्द्र शाहले प्रधानमन्त्री पदको शपथ ग्रहण गरेका छन् । रामचन्द्र पौडेलले शीतल निवासमा आयोजित विशेष समारोहमा ३६ वर्षीय शाहलाई पद तथा गोपनीयताको शपथ गराएका हुन् ।

यसअघि राष्ट्रपतिले नेपालको संविधान २०७२ को धारा ७६(१) अनुसार प्रतिनिधिसभामा बहुमत प्राप्त दलको नेताका रूपमा शाहलाई प्रधानमन्त्री नियुक्त गरेका थिए । संविधान जारी भएयता उक्त धाराबाट प्रधानमन्त्री नियुक्त भएको यो पहिलो घटना हो । साथै, मधेशी समुदायबाट प्रधानमन्त्री बन्ने शाह पहिलो व्यक्ति बनेका छन् ।

काठमाडौं महानगरपालिकाका मेयर पदबाट राजीनामा दिएर फागुन २१ को निर्वाचनमा होमिएका शाह पहिलोपटक संसद् प्रवेश गरेलगत्तै प्रधानमन्त्री बन्न सफल भएका हुन् । उनले झापा क्षेत्र नम्बर ५ बाट पूर्वप्रधानमन्त्री केपी शर्मा ओलीलाई करिब ५० हजार मतान्तरले पराजित गर्दै प्रतिनिधिसभा सदस्यमा निर्वाचित भएका थिए ।

यस्तो छ नयाँ मन्त्रिपरिषद्
प्रधानमन्त्री शाहले रक्षा तथा उद्योग मन्त्रालय आफैंसँग राखेका छन् ।

• स्वर्णिम वाग्ले – अर्थमन्त्री
• सुधन गुरुङ – गृहमन्त्री
• शिशिर खनाल – परराष्ट्र मन्त्री
• सुनिल लम्साल – भौतिक पूर्वाधार तथा यातायात र सहरी विकास मन्त्री
• विराजभक्त श्रेष्ठ – ऊर्जा, जलस्रोत तथा सिँचाइ मन्त्री
• खड्कराज पौडेल – पर्यटन मन्त्री
• सस्मित पोखरेल – शिक्षा, विज्ञान तथा प्रविधि र युवा तथा खेलकुद मन्त्री
• निशा मेहता – स्वास्थ्य तथा जनसंख्या मन्त्री
• विक्रम तिमिल्सिना – सञ्चार मन्त्री
• प्रतिभा रावल – सामान्य प्रशासन मन्त्री
• दीपक साह – श्रम, रोजगार मन्त्री
• सोविता गौतम – कानुन मन्त्री
• गीता चौधरी – कृषि तथा पशुपन्छी विकास र वन तथा वातावरण मन्त्री
• सीता वादी – महिला, बालबालिका मन्त्री

नयाँ सरकार गठनसँगै देशको राजनीतिक परिदृश्यमा नयाँ अध्याय सुरु भएको छ ।