मौसम पूर्वानुमानः पहाडी क्षेत्रमा आंशिक बदली र हल्का वर्षाको सम्भावना

काठमाडौं । मौसम पूर्वानुमान महाशाखाका अनुसार, आज देशका विभिन्न भागहरूमा फरक(फरक वायुप्रणालीको प्रभाव देखिएको छ । सुदूरपश्चिम, कर्णाली र लुम्बिनी प्रदेशको पश्चिमी क्षेत्रहरूमा पश्चिमी वायु सक्रिय रहँदा, अन्य प्रदेशहरूमा मनसुनी र स्थानीय वायुले कमजोर प्रभाव पारिरहेको छ ।

यसको प्रभावस्वरूप, पहाडी भेगहरूमा आंशिक बदली देखिएको छ भने तराई भूभागहरूमा मौसम मुख्यतः सफा रहने अनुमान गरिएको छ ।

दिउसो कोशी प्रदेशसहित देशका पहाडी क्षेत्रहरूमा आंशिक बदली रहनेछ । बाँकी अधिकांश भूभागमा मौसम सफा रहने अपेक्षा गरिएको छ ।
कोशी र गण्डकी प्रदेशका पहाडी भेगका एक–दुई स्थानमा हल्का वर्षा हुन सक्ने सम्भावना रहेको छ ।

रातिको समयमा पनि कोशी तथा गण्डकी प्रदेशका पहाडी भूभागमा आंशिक बदली रहनेछ । अन्य भूभागहरूमा मौसम मुख्यतया सफा रहने अनुमान गरिएको छ । कोशी प्रदेशका पहाडी भेगका केही स्थानहरूमा हल्का वर्षा हुन सक्ने सम्भावना छ ।

देशका अधिकांश भूभागमा मौसम सफा रहने भएकाले दैनिक क्रियाकलापमा उल्लेखनीय असर पर्ने सम्भावना छैन । तर, पहाडी क्षेत्रका बासिन्दाहरूले हल्का वर्षाको सम्भावना विचार गरी आवश्यक सतर्कता अपनाउनु उपयुक्त हुनेछ ।