संविधान दिवस २०८२: विविध कार्यक्रमसहित मनाइदै

काठमाडौं । संविधान दिवस तथा राष्ट्रिय दिवस, २०८२ यस वर्ष पनि विविध कार्यक्रमसहित मनाइएको छ । राष्ट्रपति रामचन्द्र पौडेलको प्रमुख आतिथ्यतामा टुँडिखेलस्थित सैनिक मञ्चमा मूल समारोह आयोजना गरिएको हो ।

समारोहमा उपराष्ट्रपति रामसहायप्रसाद यादव, अन्तरिम सरकारकी प्रधानमन्त्री सुशीला कार्की, पूर्वप्रधानमन्त्री डा. बाबुराम भट्टराईलगायतको उपस्थिति थियो ।

तर, विशेष राजनीतिक परिस्थितिका कारण यसपटक झाँकीलगायत सांस्कृतिक प्रस्तुति स्थगित गरिएको छ ।

संविधान दिवस नेपालको संविधान २०७२ को सम्झनामा मनाइन्छ । असोज ३, २०७२ मा दोस्रो संविधानसभाबाट लामो संघर्ष, विवाद र अथक परिश्रमपछि संविधान जारी गरिएको हो ।