जेनजी आन्दोलनः मृतक संख्या १४ पुग्यो, अस्पतालहरूमा चाप बढ्दो

काठमाडौं । सामाजिक सञ्जाल बन्दको विरोधमा भड्किएको जेनजी आन्दोलनमा मृतकको संख्या १४ पुगेको छ । सिभिल अस्पतालमा थप एक प्रदर्शनकारीको ज्यान गएपछि संख्या बढेको हो ।

स्वास्थ्य तथा जनसंख्या मन्त्रालयका अनुसार उपत्यकाका विभिन्न अस्पतालमा उपचाररत घाइतेहरूमध्ये १४ जनाको मृत्यु भएको आधिकारिक विवरण प्राप्त भएको छ ।

ट्रमा सेन्टरमा ६ जना, सिभिलमा ३ जना, एभरेष्ट अस्पतालमा ३ जना, केएमसी र त्रिवि शिक्षण अस्पतालमा एक–एक जनाको ज्यान गएको छ ।

तर घाइतेहरूको यकिन तथ्यांक अझै सार्वजनिक भएको छैन । अस्पतालहरूमा उपचाररत धेरैको अवस्था गम्भीर रहेको र आकस्मिक कक्षमा ठूलो चाप देखिएको बताइएको छ ।