अनुसन्धान विभागमा ९० जना नयाँ कर्मचारी माग

काठमाडौं । राष्ट्रिय अनुसन्धान विभाग (एनआईडी) ले ठूलो सङ्ख्यामा नयाँ कर्मचारी माग गरेको छ । विभागले शुक्रबार विज्ञापन जारी गर्दै ४० जना अनुसन्धान अधिकृत र ५० जना अनुसन्धान सहायक गरी कुल ९० पदमा दरखास्त आह्वान गरेको हो ।

विभागले भदौ १३ गतेदेखि असोज १२ गतेसम्म आवेदन दिन सकिने व्यवस्था गरेको छ । तोकिएको म्यादभित्र आवेदन दिन नसक्नेले दोब्बर दस्तुर तिरेर असोज १९ गतेसम्म पनि दरखास्त गर्न सक्ने व्यवस्था गरिएको छ ।