राज्य व्यवस्था समितिको सभापति चयनः मनोनय दर्ता आज

काठमाडौं । प्रतिनिधि सभाअन्तर्गतको राज्य व्यवस्था तथा सुशासन समितिको सभापति पदका लागि मनोनयन दर्ता आज हुँदैछ ।

समितिको सभापति बन्न इच्छुक सदस्यले अर्को सदस्यको समर्थनसहित उम्मेदवारी दर्ता गर्नुपर्ने प्रावधान छ । मनोनयन दर्ताको समय आज दिउँसो १ बजेदेखि ४ बजेसम्म तोकिएको छ । त्यसपछि सवा ४ बजे उम्मेदवारको सूची सार्वजनिक गरिनेछ ।

निर्वाचन प्रक्रिया भोलि बुधबार दिउँसो १ बजे सम्पन्न हुनेछ ।

साउन २८ गते तत्कालीन सभापति रामहरि खतिवडाले राजीनामा दिएपछि समितिको सभापति पद खाली भएको हो ।