ओलीको भारत भ्रमण तयारीका लागि भारतीय विदेश सचिव मिश्री काठमाडौं आउने

काठमाडौं । भारतीय विदेश सचिव विक्रम मिश्री नेपालको भ्रमणमा आउने भएका छन् । प्रधानमन्त्री केपी शर्मा ओलीको भारत भ्रमणको पूर्वतयारीका लागि मिश्रीको आगमन तय भएको हो ।

स्रोतहरूका अनुसार मिश्री भदौ १ गते काठमाडौं आउने कार्यक्रम छ । उनले यहाँ रहँदा प्रधानमन्त्री ओली, परराष्ट्र मन्त्री आरजु राणा देउवासहित उच्चस्तरीय अधिकारीहरूसँग भेटवार्ता गर्ने कार्यक्रम तय गरिएको छ ।

प्रधानमन्त्री ओली भदौको अन्तिम साता भारत भ्रमणमा जाने तयारीमा छन् । मिश्रीको नेपाल भ्रमणलाई त्यसैको तयारीस्वरूप कूटनीतिक संवाद र समन्वयका रूपमा हेरिएको छ ।