रामेछाप अनेरास्ववियुमा नेतृत्व फेरबदल, युवराज सुनुवार संयोजक नियुक्त

रामेछाप । नेकपा एमाले निकट अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियु) रामेछाप जिल्ला कमिटीमा नयाँ नेतृत्व चयन गरिएको छ ।

अखिल केन्द्रीय कार्यालयले नयाँ सर्कुलर जारी गर्दै जिल्ला संयोजकको जिम्मेवारी युवराज सुनुवारलाई प्रदान गरेको हो । यसअघि संयोजक रहेका पुष्कर भट्टराई हालै सम्पन्न महाधिवेशनमा केन्द्रीय सदस्यमा निर्वाचित भएपछि पद रिक्त भएको थियो ।

भट्टराईको पद रिक्त भएपछि बसेको केन्द्रीय सचिवालय बैठकले सचिवका रूपमा रहेका सुनुवारलाई संयोजकको जिम्मेवारी दिने निर्णय गरेको हो । भट्टराईलाई अब रामेछाप जिल्ला इन्चार्जको भूमिका दिइएको छ ।

संगठनको सह–संयोजकको रूपमा गोपाल तामाङलाई नियुक्त गरिएको छ । नयाँ संयोजक सुनुवार लिखु तामाकोशी गाउँपालिका–१, दुरागाउँका स्थायी बासिन्दा हुन् ।