काठमाडौं उपत्यकाका सात स्थानबाट आज एलपी ग्यास बिक्री हुँदै

काठमाडौं । नेपाल आयल निगमको समन्वयमा आज आइतबार काठमाडौं उपत्यकाका विभिन्न सात स्थानबाट खाना पकाउने एलपी ग्यास बिक्री गरिने भएको छ ।

अत्यावश्यक अवस्थामा रहेका उपभोक्तालाई लक्षित गर्दै निगमले ग्यास बिक्रीको व्यवस्था मिलाएको जनाएको छ । ग्यास खरिद गर्न जाने उपभोक्ताले नागरिकता प्रमाणपत्र वा राष्ट्रिय परिचयपत्र अनिवार्य रूपमा साथमा लैजानुपर्नेछ ।

निगमका अनुसार बिहान ११ः०० बजेदेखि साँझ ५ः०० बजेसम्म निम्न स्थानबाट ग्यास बिक्री हुनेछः

• टेकुस्थित नेपाल आयल निगमको कार्यालय परिसर
• पशु सेवा शाखा, चपली
• राधास्वामी, कीर्तिपुर
• तारकेश्वर नगरपालिका परिसर
• नयाँबजारस्थित जुडो हल परिसर
• चन्द्रागिरी नगरपालिका कार्यालय
• राष्ट्रिय क्षयरोग केन्द्र, ठिमी

यी बिक्री केन्द्रमा विभिन्न ग्यास उद्योगबाट सिलिन्डर उपलब्ध गराइने निगमले जनाएको छ । अत्यावश्यक अवस्थामा रहेका उपभोक्तालाई सहज रूपमा ग्यास उपलब्ध गराउने उद्देश्यले बिक्रीको व्यवस्था गरिएको निगमको भनाइ छ ।